Presidenti i Kosovës, Hashim Thaçi ka bërë të ditur se gjatë vizitës në Bratislavë të Sllovakisë do të takoj edhe me kryeministrin e Serbisë, Aleksander Vuçiq.

Thaçi përmes një postimi në facebook ka shkruar se gjatë takimin ne Vuçiqin do të bisedojnë për arritjen e marrëveshjes paqësore Kosovë-Serbi, shkruan arbresh.info.

“Sapo arrita në Bratislavë të Sllovakisë, për të marrë pjesë në Forumin Ndërkombëtar të GlobSec. Takimin e parë e kam me Philip Ricker, diplomatin amerikan që e njeh shumë mirë rajonin tonë. Më pas, në panel me Presidentin e Malit të Zi, Milo Gjukanoviq dhe atë të Serbisë, Aleksandër Vuçiq, do të flasim për rëndësinë e arritjes së marrëveshjes paqësore ndërmjet Kosovës e Serbisë dhe dobive që sjellë ajo për vendet tona dhe tërë rajonin”, ka shkruar ai.

I pari i vendit ka shtuar gjithashtu se me diplomatët amerikan do të bisedohet për të arriturat e Kosovës.

“Në takimet e tjera me diplomatë e senatorë amerikanë do të flasim për të arriturat e Kosovës në këto dy dekada”, ka përfunduar Thaçi./Arbresh.info/